--Ads--
Kinontra ni Miss Universe Philippines 2022 Celeste Cortesi dagiti patangan a nagsinadan iti nobiona a British tech entrepreneur a ni Jonathan Sterling kalpasan a nagwaras dagiti tsismis a nakairamanan ti maysa pay a dati a beauty queen.
Iti social media, nangibingay ni Celeste iti ladawanda ken ni Jonathan ket inlawlawagna a naurnos ti relasionda.
Segun ken ni Celeste, nakapokusda itan iti dumakdakkel a pamiliada ken ti panangaywandanto iti agbalin nga anakda a ni Sergio, nga impanaganda iti pimmusay nga ama ti beauty queen.
Innayonna a napatpateg a pokusanda ti kasasaad ti pamiliada nangruna ta adda ubing a karaman iti patangan.
-- ADVERTISEMENT --
Immunan a nagwaras a pinanawan ni Jonathan ni Celeste para iti aktres ken dati a beauty queen a ni Bianca Manalo.
