--Ads--
Saan a nasken nga ipabasul ni Presidente Ferdinand Marcos Jr iti gabinetena ti palpak a wagas ti gobierno, kas pinasingkedan ni Fr. Jerome Secillano, Executive Secretary ti Catholic Bishops’ Conference of the Philippines kalpasan ti pannakaipila ti courtesy resignation dagiti miembro.
Segun ken ni Secillano, ti presidente ti kangrunaan nga adda sunsungbatanna iti gobierno, ket saan a nainkalintegan a dagiti cabinet secretary ti mapabasul iti nabuntog ken saan a naballigi a wagas ti panangidaulo.
Patienna a no nasayaat ken epektibo ti wagas ti panangidaulo ket dagus met a sumurot ti gobierno.
Awan pay laeng ti reaksyon ti Malakanyang iti daytoy nga official statement ti CBCP.
-- ADVERTISEMENT --
