Nagyaman ni Olympic gold medalist gymnast Carlos Yulo kadagiti amin a simmuportar kenkuana para ti balligi a labanda iti 2024 Paris Olympics.
Segun ken ni Yulo, pagyamananna dagiti amin a nangikararag ti pannangabakna, nagbuya iti Olympics, ken kangrunaan kadagiti nangtulong kenkuana para ti panagsanayna tapno magun-od dagiti dua a balitok a medalya.
Binigbigna pay ti Philippine Olympic Committee, Gymnastics Association of the Philippines nangruna ken ni chief Cynthia Carrion a nangitakder iti gymnastics.
Impaganetgetna a napalaus ti panangipannakkelna kadagiti padana a Filipino Olympian ta uray idi saan pay a nangrugi iti laban, ket nakarkaru man itan a nalpasen iti kompetisyon.
Namnamaenna a lalaingendanto pay iti sumarsaruno a kompetisyon para iti dayaw iti pagilian.
