Nangrugin nga immakar dagiti Cardinal iti Vatican accommodation wenno iti lugar a pagyananda iti panawen ti conclave, iti bisperas ti historical a panagtataripnongda tapno mangbotos iti baro a papa.
Kasaruno ti pannakatay ni Pope Francis idi Abril 21, 133 nga electors ti agtataropnong inton bigat idiay Sistine Chapel para iti panagpipili a mabalin nga agpaot iti mano nga oras, aldaw, wenno bulan.
Masansan ti panagtalinaedda idiay Santa Marta guesthouse ti Vatican, nga adda dagiti banyo nga en-suite ken istilo hotel a room service, ngem awan ti makanay a kuarto para kadakuada.
Palimed nga agsapa dagiti cardinal, gapu iti mabalinda a pannakapatakyas no ibutaktakda iti mapasamak iti conclave, ken mparitanda pay a makipatang iti ruar ti lubong agingga nga addanton desisyon.
Inwaragawag ti Vatican a putdenda ti signal ti telepono iti uneg ti bassit nga estado ti siudad manipud alas tres iti Mierkoles agingga a mapili ti baro a Papa.
