VIGAN CITY – Addan iti person of interest dagiti kameng ti Caoayan municipal police station inaig iti panagtakawan a napasamak iti uneg ti pagtaengan ni Dr. Pablo Quedado, dean ti College of Medicine ti University of Northern Philippines, a pagkaskaseraan ni Roofus Mattappally nga agtawen iti dua pulo ket lima, baro, Indian national ken medicine student ti UNP idiay Naguilian, Caoayan.
Segun ken ni Police Captain Res Jerome Cachin, hepe ti Caoayan PNP, dagiti person of interest da ket isu ti nairupaan iti maysa kadagiti PNP personnel da a miyembro ti Policeman Riding on Motorcycle Patrol Team nga agtatambay iti kalsada iti nasao a lugar.
Pinasingkedan ni Cachin a posible a saan met laeng nga umadayo iti lugar a nakapasamakan iti panagtakawan dagiti suspek ket mapapati nga inadal da a naimbag iti garaw ti biktima ken dagiti kakadua na nga agkaskasera iti nasao a pagtaengan.
Intaray dagiti saan pay nabigbig a suspek iti laptop ni Mattappally nga aggatad iti sangagasut ket dua pulo ribo a pisos ken maysa a hard disk nga aggatad iti lima ribo a pisos.
