Pinadayawan ti Provincial Government of Ilocos Sur ti Burgos Municipal Police Station kabayatan ti 36th National Disaster Resilience Month a napaulwan iti “Panagyaman: A Banquet of Gratitude” idiay Provincial Farmer’s Livelihood Development Center Lobby.
Ti pammadayaw ket kas pammibig iti suporta ti Burgos MPS kadagiti programa ken proyekto a nakatulong iti resilience-building efforts, tapno maliklikan ti epekto ti didigra iti probinsia.
Ti Plaque of Appreciation ket inawat ni Police Captain Melvin Trinidad, Officer-in-charge ti Burgos MPS.
Segun ken ni Trinidad, ti naawatda a pammadayaw ket gapu kadagiti inar-aramidda nga addang idi tiempo ti bagyo Carina ken habagat ta nakitada a nasapa dagiti landslide ken flood-prone areas kasta payen a nasapada a nangisayangkat iti information dissemination kadagiti barangay.
Innayon ni Trinidad nga agserbi nga inspirasyon ti naawatda a pammadayaw tapno ad-adda pay nga aramidenda ti trabahoda a serbian dagiti umili.
Nagyaman met ti opisial iti PGIS iti naawatda a pammadayaw.
