VIGAN CITY – Tallo nga aldaw manipud ita ket maimatanganen iti ur urayen a panagbisuta dagiti Miss U candidates iti Ilocos Sur.
Iti pannakiuman ti Bombo Radyo Vigan ken ni Police Sr. Supt. Rey de Peralta, Ilocos Sur Police Provincial Office (ISPPO) Provincial director, maipasdek dagiti checkpoint iti amin a boundaries iti Ilocos Sur tapno masigurado nga awan iti makastrek a mangriribok iti dakkel a pasken ti probinsiya.
Malaksid dayta, dua a policewomen iti maited a bantay iti kada kandidata tapno masalwadan a nasayaat dagiti kandidata.
Maipalagip nga inbilinen ni Vigan City Mayor Carlo Singson Medina a mangipatungpal da iti liquor ban inton dominggo nga aldaw dagiti Miss Universe candidates iti siyudad.
Paset pay ti security protocols ti pannakaiparit iti maki- selfie, agkallugong ken ag- back pack iti asideg ti pakaangayan ti fashion show dagiti kandidata.
Kabayatanna, ur urayen met ni Sr. Supt. Rey de Peralta, provincial director ti ISPPO , ti panangapprobar ti liderato ti Philippine National Police para iti pannakaipatungpal iti gunban.
