VIGAN CITY – Pinasingkedan iti akinkukua ti Option Disco Club a napan laeng impan ni Kevin Villanueva ti bill ti suspek a pimmaltog kenkuana.
Iti pannaki-uman ti Bombo Radyo Vigan kenni Mariah El Hourani, sakbay a napasamak ti pammaltog adda iti customer da nga agasawa nga adda iti saanda a panagkinnawatan iso nga inanawa dagiti bouncer agingga a rimmaman ti gropo ti suspek a ni Jerry Burgos ket nadanogda ti rupa ti maysa kadagiti bouncer ti club iso a pinarruarda ti gropo ni Burgos.
Saan a ninamnama ti akinkukua a saanna a tinungpal ni Villanueva ti naibaon kenkuana a mapanna kitaen ti ice maker ti club ta mapanna ikkatenen dagiti ice no ketdi napan timmulong a nangiruar kadagiti gropo ti suspek.
Maysa a waiter ti club iti mangipan kuma ti bill dagiti suspek ngem nagpresentar ti biktima nga iso iti pangipan ngem kellaat a pinaltogan iti namin ado a daras ti suspek.
