VIGAN CITY– Maisagsaganan ti kaso kontra iti nagmaneho ti motorsiklo a ni Fire Officer 1 Rowin Flaris, agtawen ti 26 , baro , kameng ti Bureau of Fire Protection(BFP) a nakadestino idiay Curimao, Ilocos Norte, a nakadungpar kadagiti nagkalubbon ti motorsiklo a da Julius Saniatan, agtawen ti 23 , karpentero, ken Ernesto Tamag, agtawen 63, agpada a taga Napo, Magsingal idiay national highway ti barangay Vacunero, Sto. Domingo.
Segun kenni PS/Insp. Robert Valiente, hepe ti Sto. Domingo Municipal Police Station, inaklon ni Flaris a nagovertake isu a naagaw na ti linya ti motorsiklo a minaneho ni Saniatan ket nagdinnungpar da.
Nagsagrap ti donor dagiti biktima ket naitaray da idiay northside district hospital idinto a ni flaris ket nagsagrap ti donor iti nadumaduma paset ti bagi na ket naitaray idiay ilocos sur provincial hospital Gabriela silang ngem nakaruar met laeng isu a ti agdama ket addan iti sto. domingo municipal police station.
