--Ads--
VIGA CITY – Naballigi ti naisayangkat a Blood Letting Activity babaen iti pannakikinnammayet iti lokal a gobyerno iti ili ti Sta Lucia babaen iti panngidadaulo ni Mayor Joseph Simon valdez, Gabriela Silang provincial health office ken Bombo Radyo Vigan.
Sangagasut uppat a pulo ket tallo ti pakabuklan a bilang ti nagbalin a blood donors a pagyamanan ti ili ti Sta.Lucia gapu iti kooperasyon dagiti kailianna iti nasao nga aktibidad.
Malaksid kadagiti boluntaryo a nagidonar iti nasao nga ili ket adda pay dagiti naggapu kadagiti kabangibang nga ili.
Kabayatanna, pakaragsakan dagiti umili iti Sta.Lucia iti T-shirt a naipaay kadakuada ket kunada a sisisaganadanto a tumulong no adda manen ti blood letting tapno makatulongda met iti sabali a tao.
-- ADVERTISEMENT --
