--Ads--
VIGAN CITY – Naballaygi iti naisayangkat a dugong bombo babaen iti panagkinnammayet ti Bombo Radyo Vigan, San Vicente LGU babaen iti panangidaulo ni Mayor Jose Tabanda III ken Ilocos Sur Provincial Hospital Gabriela Silang.
Pito pulo ket pito ti pakabuklan a bilang iti nagbalin a successful blood donor a pagyamyaman ti ili ti San Vicente gapu iti kooperasyon dagiti kailianna iti naisayangkat nga aktibidad.
Kadwa dagiti mangidaulo iti tunggal barangay dagiti kalugaran da a nagturong ti Pasalubong Center iti nasao nga ili tapno ipakita iti ayat da a tumulong kadagiti agkasapolan.
Pakaragsakan dagiti tattao iti naited kadakuada a Dugong Bombo T- Shirt ket ingkari da a sisisagana a tumulong no adda manen iti maisayangkat a blood letting.
-- ADVERTISEMENT --
