Mapapati a maysa a billit nga adda iggemna nga ikan iti mapapati a rason nu apay a napasamak ti nakaru nga uram iti laud a paset idiay Canada.
Segun ti Ashcroft a British Columbia fire department, nasarakanda ti maysa nga ikan idi nagrespondeda iti nakaru nga uram a nakaapektaran iti innem a kilometro iti bagatan a paset ti ili.
Patien dagiti bumbero a maysa nga osprey iti nakatinnag iggemna nga ikanna iti nagtaud iti kaasitgan a karayan a gappuanan ti pannakaitamana iti linya ti kuryente isu a naggil-ayab ti nagango a ruot iti lugar.
Inyangaw pay dagiti bumbero a posible a nabannog ti billit gapu iti kinabara iti panawen wenno nauma iti kankanenna a fresh nga ikan isu nga inibbatanna.
Nakaru ti pannakauram ti ikan kalpasan ti insidente ngem awan ti nadunor nga osprey.
