--Ads--
Umaboten iti duapulo ket innem ti natay gapu kadagiti bagyo Mirasol, Nando, Opong, ken Habagat, kas pinasingkedan ti National Disaster Risk Reduction and Management Council.
Manipud iti nasao a bilang, duapulo ket dua ti dumalan iti validation, idinto nga uppat ti nakumpirmaran.
Tallopulo ket tallo met ti nadunor ken sangapulo ket uppat ti mapukpukaw.
738,714 a pamilia wenno 2,797,706 a tattao ti naapektaran.
-- ADVERTISEMENT --
Manipud iti nasao a bilang, 46,611 a pamilia wenno 163,317 nga indibidual ti kimmamang kadagiti 2,680 nga evacuation center.
Nakairekord met ti 8,916 a nadadael a pagtaengan iti Region 1, Region 2, CAR, Region 3, CALABARZON, MIMAROPA, Region 5, Region 6, Region 9, ken BARMM.
