Bilang dagiti marigrigat a Pilipino idi 2025, naksayan iti 6.46M

Bimmaba iti 9.7 percent ti poverty incidence iti Pilipinas idi 2025, katukad iti nasurok-kumurang 11.08 milion a Pilipino – manipud iti 15.5 percent wenno 17.54 milion idi 2023.

Kayatna a sawen, umabot iti 6.46 milion ti naikissay iti bilang dagiti tao nga adda iti salinong ti poverty line.

Kadagiti pamilia, bimmaba met laeng ti poverty incidence iti 6.4 percent wenno 1.90 milion a pamilia, manipud iti 10.9 percent idi 2023.

Segun iti PSA, nakatulong ti napaspas a panagdur-as ti pastrek no ikumpara iti panagpangato ti poverty threshold.

Nupay kasta, nagballaag ti DEPDev a mabalin a bumuntog ti poverty reduction ita a tawen gapu iti narigrigat nga economic environment.