--Ads--
Umaboten iti 35 ti bilang dagiti bangkay a narekobre manipud iti nauram nga MV June Aster.
Segun kenni Philippine Coast Guard (PCG) spokesperson Commodore Noemie Cayabyab, naduktalan dagiti bangkay kalpasan a nadepdep ti uram iti nasao a barko.
Naisangpet dagiti bangkay iti pantalan ti Borac Coron Palawan, a nailugan iti BRP Cape Engaño.
Sakbay ti pannakarekobre kadagiti nasao a bangkay, lima pay laeng ti nakumpirma a natay, kabayatan a 43 ti nakalasat iti insidente.
-- ADVERTISEMENT --
Maipalagip a nauram ti nasao a barko idi rabii ti Mierkoles, Setiembre 9, iti kabaybayan a sakup ti Coron, Palawan.
Agtultuloy ti search and retrieval operations dagiti otoridad tapno sapulen dagiti pasahero a naireport a mapukpukaw.
