VIGAN CITY – Agtultuloy ti panangala dagiti pannakabagi ti linteg iti Sta Maria Police Station iti impormasyon manipud ti biktima iti pammaltog idiay Silag Pacang, Sta. Maria.
Ti biktima ket ni Daniel Montero, agtawen iti uppat a pulo ket dua, dati nga Overseas Filipino worker a taga-Brgy. Pacang.
Iti pannaki-uman ti Bombo Radyo Vigan ken ni PLt. Florencio Pablico, ammo ti biktima no siasino ti nangpaltog kenkuana isu nga iururayda pay a malaingan ta saanna pay la kabaelan ti agsarita ita ngem inkarina a mangted ti komentona iti napasamak.
Maipalagip a kadua ni Montero nga agtaktakder iti kalsada ni Rodolfo Jacinto, agtawen iti innem a pulo ket dua, mannalon a taga-Silag idi pinaltugan ti riding-in-tandem a nagsagabaan ti takyagna iti tama ti bala ti caliber 45.
