Pinalagipan ti Department of Social Welfare and Development (DSWD) dagiti pamilia a naapektaran ti didigra a saanda a kasapulan a mangala ti certificate of indigency wenno pammaneknek a narigat iti biagda tapno makaawat ti humanitarian assistance.
Segun ken ni DSWD Assistant Secretary Irene Dumlao, dagiti lokal a gobierno ti umuna a mangbigbig ken mangadal dagiti pamilia a naapektaran ken agkasapulan iti tulong.
Nayunan laeng ti DSWD ti tulong ken mangted ti suportar kadagiti lugar a naapektaran iti didigra.
Kasaruno dayta iti agtultuloy a panangipatulod iti tulong dagiti LGU ken ahensia kadagiti nabiktima dagiti bagyo ken habagat a dimmuprak iti pagilian.
Iti agdama, nakailatangen ti DSWD ti nasurok-kumurang P1.2 billion a gatad ti humanitarian assistance kadagiti naapektaran nga indibidual.
