VIGAN CITY- Maibilang a kadakkelan a drug supplier idiay probinsiya ti Abra ni Bernard Dumlao nga agtawen iti uppat a pulo ket siyam, awanan iti pagsapulan ken agnaed idiay Zone 6, Bangued, Abra a nakemmeg iti buy- bust operation idiay Zone 5 iti nasao nga ili.
Segun ken ni Police Chief Inspector Dominador De Guzman, hepe ti Bangued municipal police station, ti suspek ket isu iti ibilang da a number 1 iti priority list da a high value target isu a mangnamnama da a babaen iti pannakakemmeg na ket sumarunon ton a makemmeg da dagiti kakadua na.
Naala ken ti suspek dagiti sangapulo ket maysa a heat sealed transparent sachet a naglaon iti maatap a shabu nga agdagsen nasurok a lima pulo a gramo, sangaribo a pisos a buybust money ken tallo pulo ket tallo a piraso ti boodle money.
