Mangrugi inton sumaruno a tawen ket obligadon nga agisuot iti body cameras dagiti inspector manipod Bureau of Fire Protection (BFP).
Segun ti Department of the Interior and Local Government (DILG), ti addang ket tapno maliklikan iti illegal a panagilako wenno panag-endorso ti fire extinguishers.
Kinuna ni DILG Sec. Jonvic Remulla nga adda memorandum circular-da ken nagpa-requisition isuna iti 5,000 body cameras gapu iti notorious a panagilako iti BFP inspectors iti fire extinguishers.
Pinasingkedanna a nu adda agreklamo ket makita ken mabuyada iti transaksyon iti dua a biang.
Impakita ni Remulla iti insidente idi kallabes a ti maysa a fire inspector idiay Taguig ket mapapati a nairekomendar iti management iti Italian Embassy a gumatang iti specific brand iti fire extinguisher, a saan met a husto.
