Ben&Ben, mangiruar iti baro nga anthology album

Inwaragawag ti banda a Ben&Ben ti anthology album-da a “Nine” kas paset iti panangrambakda iti maikasiam nga anibersaryoda.

Segun iti grupo, mairuar ti album inton Setyembre 24, kagiddan ti pannakaipakita ti opisial nga album cover artwork.

Idi napan a bulan, inruar pay ti Ben&Ben ti “Leaves (Reimagined)” kas baro a bersion ti sikat a kantada.

Naiwaragawag pay idi kallabes ti CD ken vinyl edition ti 2019 album-da a “Limasawa Street.”