Bayat nga agtultuloy a kumarkaru ti sinneksek kadagiti classroom a manglimitar iti atensyon dagiti agad-adal ken mangparigat iti kalikadid iti panagisuro, gagem ti Basic Education Voucher Program Act a palawaen ti pagpilian dagiti pagadalan ken ikkan ti naur-urnos nga aglawlaw iti panagadal dagiti adu nga nga agtutubo a Pilipino.
Nangibingay ti panagawat ni Senador Loren Legarda a co-author ken co-sponsor iti Basic Education Voucher Program Act, iti bicameral approval iti napagkaykaysa a version iti Senate Bill No. 1981 ken House Bill No. 4744.
Gagem ti gakat nga amyendaran ti Republic Act No. 6728 wenno Government Assistance to Students and Teachers in Private Education Act, tapno mailatag ti napagtipon a voucher system para iti pribado nga edukasyon.
Babaen dayta, makissayan ti sinneksek kadagiti pampubliko a pagadalan, makissayan ti nangato nga student-to-teacher ratio, ken maikkan ti nalawa a pagpilian dagiti agad-adal.
