Nangipila iti reklamo a cyber libel ni House Deputy Speaker Ronaldo Puno kontra ken ni Cavite 4th District Representative Kiko Barzaga gapu iti bribery posts-na iti social media.
Daytoy ket gapu kadagiti immuna nga statement ni Barzaga iti online a kinunana a maipagarup nga immawat dagiti sumagmamano nga agpampanday-linteg manipud iti National Unity Party ti pasuksok manipud iti business tycoon a ni Enrique Razon tapno suportaran ti speakership bid idi ni Leyte Representative Martin Romualdez iti panaglukat ti 20th Congress.
Impila ni Congressman Puno ti reklamo kontra ken ni Barzaga iti Office of the City Prosecutor idiay Antipolo.
Impakaammo ti agpampanday-linteg nga adda consequences na amin a tignay aglalo no saan a nasayaat ken nalawag ti intensyonna a padaksen ti reputasion ti maysa a tao nga awan ti ebidensiana
