Inrusat ti Technical Education and Skills Development Authority (TESDA) dagiti baro a financial literacy courses iti TESDA Online Program (TOP).
Ti addang ket tapno matulongan dagiti Pilipino a maawatan iti husto a panagiggem iti kuarta, panagpuonan ken panangliklik kadagiti scam.
Segun ken ni TESDA Secretary Kiko Benitez, dagiti baro a kurso ket dakkel a tulong kadagiti Pilipino tapno magun-od iti natibtibker a masakbayan maipanggep iti kuarta.
Iti agdama ket 195 ti libre a kurso iti TESDA Online Program pakairamanan dagiti kurso iti ICT, negosyo, agrikultura, turismo, salun-at ken dadduma pay.
Karaman kadagiti baro a kurso ti Basics of Investing, Fraud and Scam Prevention, Financial Consumer Protection, Digital Financial Literacy, Personal Equity and Retirement Account (PERA), ken Bangko Sentral ng Pilipinas’ (BSP) Role in the Economy.
