Nagpanawagan ti dayalogo ken panagteppel ti baro a Chinese Ambassador iti Pilipinas a ni Jing Quan ken impaganetgetna a saan a ti parikot iti mapagin-innagawan iti mangdiktar iti sibubukel a relasyon iti Pilipinas ken China.
Segun ken ni Jing, gagemna a patibkeren ti kammayet dagiti dua a pagilian ken dagiti saan a nagkinaawagan babaen ti panagpatang,
Kinunana nga adda kabaelan ken laing ti agduma a biang tapno solbaren wenno idauluan ti tensyon kas ti naaramid ti China iti kaasidegda a pagilian.
Imbutaktakna nga adda dagiti inisyal a tulagan dagiti diplomat kadagiti dua a pagilian para iti sumaruno nga addang ti dayalogo ken mangnamnama isuna a mapadaras ti negosasyon iti Code of Conduct iti disputed water ita a tawen bayat a ti Pilipinas iti ASEAN Chair.
Impaganetget ni Jing a ti isyu iti kabaybayan ket maysa nga aspeto laeng iti nalawlawa a relasyon pakairamanan ti trade, infrastructure ken energy.
