Nagpanawagan ni House prosecution panel adviser ken spokesperson Robert Ace Barbers iti Senate impeachment court ti patas ken pantay nga ipatungpal ti sub judice rule a saan a maipagarup nga agresulta iti panangpa-ulimek ti lehitimo a public trial iti kaso ni Vice President Sara Duterte.
Pinasingkedan ni Barbers a masapul a maikkan ti prosecution team, pakairamanan ni VP Sara ti nainkalintegan a gundaway nga agpalawag iti publiko iti posision da, basta agtalinaed kadagiti limitasion nga intuding ti linteg ken saan a makaapektar iti trial ti impeachment court.
Segun iti agpampanday linteg, masapul a masurot ti sub judice rule tapno maprotektaran ti integridad dagiti judicial ken quasi-judicial proceedings.
Nagiruar ti statement ni Barbers kalpasan ti sarita ni Presiding Officer ken Senator-judge Francis Escudero nga agirruar ti Senate Impeachment Court ti ruling inton Lunes, Agosto 17 mainaig kadagiti alegasion a mabalin a naglabsing iti sub judice rule dagiti miembro ti prosecution ken defense panels.
