VIGAN CITY- Pagamkan ti maysa nga agpanpanday linteg a ti pannakaitantan ti Barangay ken Sangguniang Kabataan election ket panagsagana ti Duterte administration tapno mapukawen ti eleksyon iti pagilian .
Segun kenni ACT Teachers Partylist Rep. Antonio Tinio, saan nga adayo a mapasamak daytoy agsipud ta ita pay laeng ket sagsaganaanen ti Duterte administration ti Charter Change ken pederalismo.
Inpaganetget ni tinio a no talaga a drug protector dagiti opisyal ti barangay ket rebbeng a makasuan da saan ket di a pagbalinen a rason tapno maikkat ti karbengan dagiti umili nga agbotos.
Patien na a ti panakaitantan ti eleksyon ket wagas para kadagiti pulitiko nga adda iti poder tapno pagtalinaeden dagiti political machineries kas kadagiti kapitan ti barangay.
