--Ads--
VIGAN CITY – Nayawiden ti bangkay ti suldado ti Philippine Airforce a natay iti napasamak a pammaltog iti uneg ti Philippine Military Academy idiay Baguio.
Naisangpet ti bangkay ni SSgt. Geoffrey Turqueza iti pagtaenganda idiay Brgy. Anonang Mayor, Caoayan idi rabii a nailugan iti trak ti Philippine Army a napan sinundo ti asawana.
Pinasangbay dagiti karruba ni Turqueza ti bangkayna ngem saan nga insigida a linukatan ti pamiliana idi kaisangsangpet.
Naulila ti suldado ti asawana ken ti dua a putotna a lalaki ken babai nga agtawen iti sangapulo ket uppat ken agtawen iti maysa.
-- ADVERTISEMENT --
Mayur-uray pay laeng ti desisyon ti pamiliana no kaano a maitabon ti bangkay ni Turqueza a kadua a natay met laeng ni Air Force Second Class Christopher Lim.
