--Ads--
Nasarakan nga awan biagna iti uneg ti pagtaenganna ti maysa a lalaki idiay Brgy. Garitan, Tagudin.
Nabigbig ti biktima a ni Randy Orinos agtawen uppat a pulo ket maysa, barbero ken agnaed ti nasao a lugar.
Iti pannaki-uman ti Bombo Radyo Vigan kenni PLt. Jumar Castro, hepe ti Tagudin Municipal Police Station, sakbay a nasarakan nga awan biagna ti biktima ket intulod dagiti kadduana ta nabartek ken naipatublak ti namindua a daras.
Awan iti dunor ti biktima a nakita dagiti pannakabagi ti linteg ken naammuan a nga agbibiag a maymaysana ni Orinos.
-- ADVERTISEMENT --
Innayon ni Castro nga awan iti makitkitada a foul play iti pannakatay ti biktima ken pinasingkedan ti pamilyana a kanayon nga agininom iti arak.
