Bangkay ti Australian national a mapapati a naatake, maiyur-uray pay lang ti desisyon ti pamilya na nu ma-autopsy wennu saan

VIGAN CITY – Saan pay laeng a nakontak dagiti otorodad ti Australian embassy tapnu maipaka-ammo kadagiti kameng ti pamilya ni Malcolm Hector Ruz iti pannakatay na ta naatake idi rabii ti September 5.

Agsipud iti dayta, saan pay laeng a mabalin a garawen dagiti kameng ti PNP ti bagi ti biktima ta iyuray da pay nu anya ti desisyon ti pamilya na, nu ma autopsy wennu saanen ken nu maiyawid idiay Australia wennu saan.

Bayat a maiyur-uray iti pannakakontak dagiti otoridad iti embahada ti Australia ken ti desisyon ti pamilya na, maifreezer pay laeng ti bangkay ti biktima tapnu mapreserve ken saan a magaraw.

Maipalagip nga idi rabii, mapapati a naatake ti biktima ta segun ti partner na nga agtawen ti innem a pulo ket tallo, napigsa ti urok na kabayatan iti pannaturog na.