Inyakar ti Philippine Coast Guard (PCG) idiay El Nido, Palawan dagiti bangkay ti sangapulo a nabigbig a biktima ti nauram a passenger ship nga M/V June Aster manipud Coron tapno maisubli iti pamiliada.
Naibiahe dagiti bangkay a naglugan iti BRP Suluan (MRRV-4406) agraman ti duapulo a kabagian dagiti biktima ken dagiti kameng ti PCG agingga iti San Fernando Port sadiay El Nido tapno masigurado ti natalged a transportasion ken matulongan dagiti natayan a pamilia.
Inreport ti PCG a 38 a bangkay ti nabigbig ken naitunos kadagiti claimants, a 26 kadagitoy ti naiteden kadagiti pamiliada, 11 ti naituding a maipan iti Manila, ken maysa ti agtalinaed iti puneraria.
Iti pakabuklan, 67 kadagiti 71 a bangkay a narekobre ti nabigbig, gapu ta agtultuloy ti panangtulong ti PCG kadagiti pamilia ken makikoordinar kadagiti dadduma nga ahensia kalpasan a nauram ti barko idi Setiembre 9 bayat ti panagbiahena manipud Batangas nga agturong idiay Coron.//via Bombo Cyrelle Ann Rosario
