Narekobre dagiti Brazilian emergency crews ti bangkay dagiti innem a pulo ket dua a biktima a naglugan iti eroplano a nagsuek iti ili ti Vinhedo, iti asideg ti Sao Paulo, a nakatayan ti amin a naglugan.
Naipanen dagiti bangkay a ti kaaduan kadagiti biktima ket tallopulo ket uppat a lallaki ken duapulo ket walo a babbai iti Sao Paulo’s police morgue para iti panangbigbig kadakuada.
Segun ken ti Mayor ti Vinhedo a ni Dario Pacheco, immunan a nabigbig ti piloto ken co-pilot.
Uppat a tattao a karaman kadagiti biktima ket dual citizenship, tallo a Venezuelan ken maysa a Portuguese a babai.
Agus-usar dagiti otoridad ti seat assignment, physical characteristics, dokumento ken sanikua kas iti cell phone tapno maammuan ti pakabigbigan dagiti biktima.
Kabayatanna, naipan met dagiti kabagian dagiti biktima idiay Sao Paulo tapno mangipaay iti DNA samples tapno makatulong iti identification dagiti biktima.
