Nagballaag ti TOXIC waste watchdog a BAN Toxics iti publiko a liklikanda ti gumatang kadagiti China-made AA batteries nga addaan iti dua a makadangran a substances.
Segun ti Ban Toxics, dagiti Kingever Extra Heavy Duty AA batteries ket naglaon iti “high levels” ti lead ken cadmium a mailaklako iti P20 wenno P25 para iti dua a piraso a magatang idiay Divisoria ken kadagiti online shopping site.
Karaman iti pakete dagiti bateria ti simbolo a “Do Not Dispose of in Household Trash” gapu iti linaonna a lead.
Ti maysa nga online shopping site ket mangipakita pay a dagiti isu met laeng a bateria ti AA ket mangibagbaga nga addaan iti zero-percent lead, mercury, ken cadmium iti “several certfications”.
Kinuna ti BAN Toxics a naduktalanda ti 1,250 agingga iti 6,500 parts per million (ppm) a lead ken 160 agingga iti 250 ppm a cadmium babaen ti X-ray Fluorescence (XRF) chemical analyzer.
Karaman ti lead ken cadmium kadagiti kangrunaan a sangapulo a chemical a kangrunaan public health concern ti World Health Organization (WHO).
