VIGAN CITY – Uppat a bala ti caliber 45 ken maysa a bala ti caliber 38 iti naala dagiti otoridad a nangserrek iti pagtaengan ni Romel Gacusan Gabatin alyas Parak nga agtawen ti tallo pulo ket uppat, naasawaan, tricycle driver nga agnaed idiay Barangay Bagar, Candon City.
Ti nasao nga operasyon ket insayangkat idi November 7, alas syete y media idi agsapa iti agtitipon a puwersa dagiti otoridad nga idaulwan ti Candon City police station kas lead unit.
Ikot dagiti otoridad iti search warrant nga inparuwar ni Judge Eilyn Beverly Bless L. Castillo- Rimando, Presiding Judge ti Municipal Circuit Trial Court, Dolores-San Juan, Abra a napetsaan idi November 6 iti agdama a tawen.
Agsipud iti positibo a resulta iti operasyon, sumango ti suspek a maysa a drug watchlist personality iti kaso a panaglabsing ti Republic Act 10591 wennu Comprehensive Firearms and Ammunitions Regulation Act.
