VIGAN CITY – Pimmusay ni Felomina Jacosalem Sanchez agtawen ti pito pulo ket dua a taga Brgy. Vical, Sta. Lucia bayat iti pannakatamtaming na idiay Sta. Lucia District Hospital.
Maipalagip nga agur-uray ni Felomina iti pagluganan na idi bigla a dinungpar iti motorsiklo a minaneho ni Jay Mar Herana Gadia nga agtawen iti dua pulo ket pito, maysa a seafarer ken agnaed idiay Barangay Parioc 1st, Candon City a nagsagabaan na iti nakaro a dunor iti ulo.
Segun ken ni Police Major Agosto Cabello, hepe ti Sta., Lucia municipal police station, agpapaabagatan a direksyon ni Gadia idi adda linisyan na nga owner type jeep isu a bigla a nagpakannigid ket napan iti ayan ti biktima a nakatakder isu a nadungpar na.
Ti owner type jeep ket minaneho ni Domingo Bautista Portela nga agtawen iti innem a pulo ket maysa nga agnaed met laeng idiay Barangay Vical.
