Dead on arrival ti maysa a baket kalpasan a napaltogan idiay Barangay Puerta Real, ili ti Sto. Domingo.
Ti biktima ket agtawen ti pitopulo, naasawaan, residente ti Baranagay Pussuac, iti nadakamat nga ili, idinto a saan pay a nabigbig dagiti suspek a nagkalubbon iti motorsiklo.
Basar iti imbestigasion, ti biktima ket agtaktakder iti nakapasamakan ti insidente a mapapati nga agur-uray ti pagluganan na idin ta inasitgan daytoy ti maysa a suspek ket pinaltugan na ti ulo ti biktima.
Apaman a napaltugan ti suspek iti biktima, dagus daytoy a naglibas babaen ti kaduana nga agur-uray a naka-motorsiklo ket nagturong da iti abagatan a direksion.
Dagus a naitaray iti balay pagagasan ti biktima ngem naideklarar a dead on arrival.
Agtultuloy ti imbestigasion dagiti pannakabagi ti linteg tapno maamuan ti motibo ti insidente ken matunton dagiti suspek.
