--Ads--
VIGAN CITY- Timpawen ti bangkay iti masapsapul nga ubing a kadua ti agtawen iti pito a babai a naispal manipud iti dandani a pannakalmesna idiay Barangay Tabucolan, Santa, Ilocos Sur.
Iti pannaki-uman ti Bombo Radyo Vigan ken ni Plt. Ryan Jay Quiocho, Deputy Chief of Police, Santa Municipal Police Station, naammuan laengen nga adda pay kaduana daytoy naisalakan nga ubing idi nakapuot.
Segun ken ni Plt Quiocho, nasarakan a naisalat ti bangkay ti ubing kadagiti kakandarumaan iti alas dies iti bigat.
Kabayatanna, adda metten iti nasayaat a kasasaad ti ubing a naisalakan.
-- ADVERTISEMENT --
Binalakadan ni Plt. Quiocho dagiti nagannak a saanda nga itulok dagiti ubbing nga agmaymaysa a mapan agdigus ti baybay wenno karayan.
