VIGAN CITY – Maysa a babai iti nagdungsa bayat iti panagmanehona ti kotse iti national highway iti Brgy. Suso, Sta. Maria.
Maibasar iti inisyal nga imbestigasyon, agpapadaya a direksyon ni Jennifer Andres, agtawen ti limapulo ket lima, naasawaan, negosyante nga agnaed idiay Brgy. Lantag, Sta. Cruz a nagmaneho iti puraw iti Suzuki APV idi nagdungsa isu a naikabigna iti kannigid a direksyon iti luganna.
Gapu iti dayta ket naidungpar ni Andres iti lantok nga alad iti bakante a lote iti Brgy. Suso, Sta. Maria ngem saan a naan-ano.
Kabayatanna, nagpalagip dagiti pannakabagi ti linteg iti ili ti Sta. Maria kadagiti umili kangrunaan kadagiti agmanmaneho a no makaturogda ket nasaysayaat no ipaigidda iti luganda ta iturogda tapno maliklikan iti kas ti nasao nga insidente.
