Impaganetget ni Atty. Levi Baligod a nainget iti panangadalna iti affidavit dagiti retirado a suldado a kinuyogna iti press conference.
Immunan nga inakusaran dagiti nagpayam-ammo a retirado a suldado a naaddaan ti panagpasuksok manipod iti kampo ni dati a Rep. Zaldy Co agingga iti dadduma a politiko ken mangibagi iti International Criminal Court (ICC) para iti imbestigasyon iti drug war idi napalabas nga administrasyon.
Segun ken ni Baligod, personalna nga inadal ti affidavit dagiti dati a suldado a nagserbi a security detailes ni Zaldy Co kas ni retired Marine Sgt. Orly Guteza nga immunan a rimmuar iti hearing iti Senate Blue Ribbon Committee.
Idi nasaludsod ti abogado no apay nga inyunana nga inruar iti publiko iti linaon dagiti affidavits ket kinunana nga obobserbarenna ti executive ken legislative department ken siguradoenna a narigat a mangnamnama kadagiti nasao nga institusyon.
Natibker latta ti rikna ni Baligod nga agipasa iti kopya iti Office of the Ombudsman.
