Makakatawa ni Palace Press Officer Atty. Claire Castro iti sarita ni Vice President Sara Duterte a posible a karaman ni Presidente Ferdinand Marcos Jr. kadagiti government official a maipagarup a pro-China mainaig iti isyu ti West Philippine Sea.
Segun ken ni Castro, awan ti kaipapan ti nadakamat nga statement gapu ta nalawag met ti takder ni Marcos no maipapan iti soberania ti Pilipinas ken dagiti karbengan ti pagilian iti WPS.
Kwinestyonaran ti opisial nga apay a ni VP Sara ken ti kabsat na a ni Davao City Rep. Paolo Duterte laeng ti agsasao iti panawagan ni Defense Secretary Gilbert Teodoro nga agikkat iti puwesto dagiti opisial ti gobierno a pro-China.
Maipalagip a pinasingkedan ni VP Sara a masapul nga iyir-ruar ni Teodoro ti listaan dagiti nagan dagiti opisial a maipagarup pro-China.
