Inlawlawag ni Atty. Levi Baligod a maibilang a potential witnesses ti National Bureau of Investigation, ken saan a suspek dagiti 18 a dati a suldado a kliyentena.
Segun ken ni Baligod, agisagsagana dagiti dati a suldado kadagiti ebidensia mainaig iti mapapati a panangawat iti minaleta a gatad dagiti dadduma nga opisial ti gobierno.
Posible nga agsubli iti NBI ti grupo inton sumaruno a lawas tapno agipasa iti nayon a dokumento ken supporting evidence nga adda pakainaigan kadagiti expose-da.
Kwinestyonaran pay ni Baligod ti decision ti NBI a saggaysa a saludsoden dagiti dati a suldado imbes a patulodan iti subpoena dagiti opisial a nadakamat iti expose.
Nupay kasta, impasigurado ti abogado ti pannakitinnulongda iti NBI kas pammaneknek nga awan ti ilimlimedda.
