Napaspas a nag-evacuate dagiti residente a saan a nang-kaya ti epekto ti ashfall ken angot ti asupre manipud iti panagputok ti Bulkan Kanlaon kalpasan a nairekord ti moderate explosive eruption idi kalman.
Apektado ti saan a bumaba a duapulo ket uppat a barangay iti agduduma nga ili ti Negros Occidental pakairamanan ti La Carlota, Bago City, Hinigaran, Pontevedra, ken La Castellana.
Sumagmamano a residente ti nagbakwit manipud kadagiti pagtaengan da ken napan iti evacuation center idiay La Carlota South 1 Elementary School, a temporario a pagyanan dagiti apektado.
Nangipaay metten ti umuna a paset ti tulong ti lokal a gobierno pakairamanan ti hygiene kits ken taraon.
Sumagmamano met a pagtaengan ti nadadael pakairamanan ti pannaka-ikkat dagiti atep gapu iti ashfall ken asupre.
