--Ads--
Pinasingkedan ti Association of Southeast Asian Nations (ASEAN) a saanda a bumales iti baro a taripa nga impataw ti Amerika kadakuada ken dadduma pay a trade partners iti Amerika.
Nagtaripnong dagiti economic ministers iti regional bloc ket napagpapatangan ti dadduma nga isyu pakairamanan ti reciprocal tariffs iti Amerika.
Manipod Pilipinas ket karaman a nakidar-ay ti virtual meeting ni Trade Secretary Maria Cristina Roque.
Idi napan a lawas ket impakaammo ni US Pres. Donald Trump ti reciprocal tariffs a saan a nababba iti 10% ngem sinuspensona iti panagpataw iti nangatngato a taripa iti dadduma a pagilian.
-- ADVERTISEMENT --
Pakadanagan ti ASEAN ti unilateral tariffs iti Amerika a mapapati a makaapektar kadagiti negosyo ken ekonomia iti intero a lubong.
