VIGAN CITY – Nagpalagip ti Archdiocese ti Nueva Segovia nga awan iti umagep iti umay a selebrasyon ti semana santa tapno maliklikan iti panagwaras ti COVID19.
Iti pannaki-uman ti Bombo Radyo Vigan kenni Monsignor Sammy Rosimo, pannakangiwat ti Archdioces of Nueva Segovia, sakbay nga inruar ti Department of Health ti pagannurutanda ket nagtataripnong dan nga immuna a saan a maipalubos iti panagagep.
Impalagip ni Monsignor Rosimo kadagiti umili iti kinapateg iti panangsurot kadagiti protocol ta no man pay maipalubos dagiti aktibidad iti selebrasyon ti semana santa kas iti libot ket agtalinaed iti panagobserbar ti social distancing ken panagsuot ti face mask ken kasta met iti bisita iglesia.
Inton lunes adda iti maisayangkat a misa nga iso iti gundaway ti simbaan a mangpalagip kadagiti umili kadagiti masapol a suruten ita a semana santa.
