VIGAN CITY- Saan a kontento iti Anakbayan Party-list- Ilocos Sur Chapter iti libre a matrikula kadagiti State Universities and Colleges (SUC) .
Iti pannakaiuman ti Bombo Radyo Vigan kenni Niño Oconer, pannakangiwat iti nasao a partido, kanunungan da iti panangipaay iti libre a matrikula ngem makontento danto laeng no addan iti linteg a mangpatibker ken mangpasigurado nga agtultuloy iti programa.
Segun kenkuana, saan laeng a matrikula iti pagparikutan dagiti estudyante nangruna dagiti marigrigat agsipud ta ado pay iti paggastusan da iti pagadalan kas iti miscellaneous fee.
Gapu iti dayta ket kiniddaw ni Oconer iti Kongreso a mangbukel iti linteg a mangipasigurado nga agtultluoy iti libre a matrikula.
Maipalagip nga iti nasurok PHP8 bilyon a pondo para iti libre a matrikula ket realignment laeng iti pondo para kadagiti infrastructure projects isu a limitado laeng para iti school year 2017-2018.
