Anak da Dianne Medina ken Rodjun Cruz, umabot iti P170k ti tuition iti nursery

Inbingay ti actress-host a ni Dianne Medina iti publiko a Php 170,000 ti tuition ti inauna nga anakda iti aktor a ni Rodjun Cruz.

Iti post na iti social media, inyarigna ti tuition na idi adda isuna iti kindergarten tawen 1991 nga umabot laeng iti nasurok dua ribo a pisos .

Dayta ket kalpasanna a nakita dagiti daan a resibo , cards ken diploma na idi nagdalos iti dati a balay da.

Kinatawaanna met nga itan a panawen, umaboten iti Php 170,000  ti tuition ti anakda iti Nursery 2 laeng.