Manamnama nga ideklara ti Philippine Atmospheric, Geophysical and Astronomical Services Administration (PAGASA) ti panagrugi ti amihan kadagiti sumarsaruno nga aldaw gapu iti northeasterly windflow iti amianan a paset ti Luzon.
Segun kenni Pagasa weather specialist Grace Castañeda-Carpio, posible a mapasaran ti mapattupattuk a tudo wenno arbis iti Batanes ken Babuyan Islands, kasta met ti Cagayan ken Ilocos Norte gapu iti amihan.
Ti Metro Manila ken dadduma pay a paset ti pagilian ket manamnama nga addaan naulep a tangatang, nga addaan iti posibilidad ti apagbiit a panagtudo ken panaggurruod gapu iti localized thunderstorms ken ti Intertropical Convergence Zone (ITCZ).
Saan a nangipaulog ti Pagasa iti gale warning, ngem binalakadanna dagiti manggalap iti adayo nga amianan a paset ti Luzon nga agannad gapu iti kalkalainganna agingga iti nadawel a baybay iti sumaruno a 24 nga oras.
