Namnamaen ti Philippine Atmospheric, Geophysical and Astronomical Services Administration (PAGASA) a maysa agingga dua a bagyo ti sumrek iti Philippine Area of Responsibility (PAR) ita a Nobiembre.
Segun iti ahensia, dagiti bagyo a sumrek iti tunggal Nobiembre ket kadawyan nga ag-landfall iti Bicol, Eastern Visayas ken Caraga, ngem mabalin pay a lumasat iti Visayas, Palawan wenno Central Luzon.
Kaaduan a paset ti pagilian ket manamnama a makapadas iti nababa agingga iti nababbaba ngem normal a tudo ita a Nobiembre, malaksid iti Davao City, Davao del Norte ken Agusan del Norte.
Mapatta-patta ti PAGASA nga umabot iti uppat a bagyo ti mabalin a sumrek ditoy pagilian manipud Disiembre 2026 agingga Enero 2027, idinto a dua wenno nasursurok pay ti posible manipud Enero agingga Abril 2027.
