Imbilin ti Malakanyang a mangipatungpal ti maiyannatup nga alternative work arranegements kadagiti opisina ti gobierno ken alternative learning modes ken learning continuity measures kadagiti pampubliko ken pribado a pagadalan inton bigat, Agosto 20.
Daytoy ket panagsagana iti manamnama ken agtultuloy a panagtudo ti napigsa gapu ti epekto ti Habagat.
Nakailanad iti Memorandum Circular No. 131 a pinermaan ni Executive Secretary Ralph Recto, babaen ti panangipalubos ni Presidente Ferdinand Marcos Jr. a ti addang ket panangsurot iti rekomendasion ti National Disaster Risk Reduction and Management Council (NDRRMC).
Nakaipalaon iti circular nga ipatungpal ti alternative work arrangements ken alternative learning modes iti National Capital Region (NCR) ken ti probinsia ti Abra, Benguet, Ilocos Norte, Ilocos Sur, La Union, Pangasinan, Bataan, Bulacan, Nueva Ecija, Pampanga, Tarlac, Zambales, Batangas, Cavite, Laguna, Rizal ken Occidental Mindoro.
Saan a sakop ti alternative work arrangements dagiti ahensia nga adda pakainaiganna iti panangted ti basic ken health services, panagsagana ken panagresponde iti kalamidad.
Ipaiman ti Malakanyang kadagiti Local Chief Executives ti bileg nga ag-decision no suspensoen da ti serrek kadagiti lugar a masakupan da a saan a nairaman iti memorandum circular.
Kabayatanna, adda met ti diskresion kadagiti pribado a sektor ti panangideklarar ti suspension iti trabaho ken adoption ti alternative work arrangements.
