Pinasingkedan ti Bureau of Jail Management and Penology (BJMP) nga adda makadua ni Dismissed Bamban, Tarlac Mayor Alice Guo iti detention cell a maysa kadagiti co-accused ni Kingdom of Jesus Christ (KOJC) Pastor Apollo Quiboloy,
Segun kenni BJMP Spokesperson JSupt. Jayrex Bustinera, nakasaganan iti pangipananda kenn Guo ken na-check dan dagiti posibilidad a makaduana, dagiti profiles ken risk assessment.
Innayon pay ni Bustinera a nangnayondan ti kanayonan a security personnel, nakasagana ken naka-standby da kadagiti atendaranna a hearing inton sumarsaruno nga adaw.
Kabayatanna, kinuna ni Atty. Nicole Jamilla, legal counsel ni Guo, nangipila iti urgent motion idi Sabado iti Pasig Regional Trial Court (RTC) a mangkiddaw iti panagtalinaed ni Guo iti custodial facility ti PNP.
Ngem insaganadan ni Guo no bilang saan a maaprobaran ti kiddawda.
Inyunay-unay pay ni Atty. Jamilla nga awan iti aniaman a koneksion ni Guo kadagiti criminal syndicates nga ikonkonektar ti House Quad Committee a “matrix” wenno Chinese triad.
