Nairekord ti Philippine Institute of Volcanology and Seismology (PHIVOLCS) ti panagado ti volcanic earthquakes ken panagpangato ti sulfur dioxide emissions iti Bulkang Mayon.
Maibasar iti monitoring, agtultuloy iti kina-aktibo ti bulkan a mangipasimudaan iti nangatngato a lebel iti internal volcanic activity pakairamanan iti panaggaraw ti magma iti uneg ti bulkan.
Kadagiti napalabas a bulletin, impakaammo ti PHIVOLCS a nakairekord iti Mayon dagiti volcanic earthquakes, rockfall events ken agtultuloy a degassing manipod ngiwat iti bulkan idinto nga agtaltalinaed ti crater glow ken nakapsot a panagpuswak iti dapo ken gas.
Ti sulfur dioxide emission iti bulkan ket agbaliw-baliw depende iti aktibidad iti bulkan nga umabot iti nasurok 1,000 agingga 2,000 a tonelada kada aldaw iti sumagmamano a monitoring period.
Agtultuloy a bambantayan ti PHIVOLCS iti bulkan gapu iti posible nga ikakaro ti aktibidad, isu a nabalakadan ti publiko nga agalerto ken sumurot kadagiti pakaammo dagiti otoridad kangrunaan kadagiti lugar nga asideg iti danger zone.
